Биектау үзәк балалар китапханәсе республикада иң яхшысы

ТР ДБМУ  «Роберт Миңнуллин исемендәге Республика балалар китапханәсе»  тарафыннан уздырырлган   «Ел балалар китапханәсе-2022» һәм «Ел балалар китапханәчесе-2022 » конкурслары йомгаклары буенча бүләкләү тантанасы узды. Бүләкләнүчеләр арасында Биектау үзәк балалар китапханәсе бар.

Үзәк балалар китапханәләре арасында  “Китапханә-библиография грамоталылыгын һәм мәгълүмат мәдәниятен формалаштыру буенча балалар китапханәсендә эшне иң яхшы оештыру» номинациясендә безнең балалар китапханәсе 1 урынны яулады.
Катнашучыларның осталыгы, китапханәләрне үстерүдә һәм камилләштерүдә инновацион алым бәяләнде. Балалар китапханәсенең конкурс эше иҗади презентация һәм оригинальлек белән аерылып торды.

Китапханә диплом һәм 27 меңлек сертификат белән бүләкләнде.