Сәлих Сәйдәшев музее

елның 30 ноябрендә ТАССР Мәдәният министрлыгының  1990 елның 19 ноябрендәге 316 номерлы боерыгы белән  «1990 елның 1 декабреннән Биектау районында Салих Сәйдәшев музеен ТАССРның ГОМ филиалы буларак ачарга», татар музыкасына нигез салучы, профессиональ композитор Салих Сәйдәшевның тууына 90 ел тулу уңаеннан ачыла. Кызганычка каршы, агач бина тузган иде һәм 2015 елда сүтелде, аның урынында яңа кирпеч бина төзелде. 2017 елның 17 маенда музейның яңа бинасын ачу тантанасы булды. Бүгенге көндә музейның гомуми фонды 818 саклау берәмлеген тәшкил итә, алар арасында 479 төп фонд предметлары, 339 фәнни Фонд берәмлеге бар.

Туганнары истәлеге буенча, Өбрәдә Сәйдәшевлар утары планы торгызылды. Музей Бикчәнтәй улы Сәйдәшев-Бикмөхәммәт, Салихның абыйсының бер йорты урынында урнашкан. Бу урында кайчандыр аның әтисе Җамалетдин һәм бабасы Бикчәнтәй Сәйдәшевлар яшәгән. Яшь чагында С.Сәйдәшев еш кына Өбрәгә кайткан. Бүгенге көндә музей экспозициясе өч өлештән тора. Беренче экспозиция залында XIX гасыр ахыры — XX гасыр башында көнкүреш әйберләре күрсәтелә һәм ул чордагы татар крестьяннарының көнкүреш тәртибен чагылдыралар. Өбрәгә туганнары янына кайткан вакытта, яшь Салихны нәк шундый әйберләр чолгап алды. Экспозициянең икенче залы Салих Сәйдәшевнең тормышы һәм иҗаты турында күзаллау бирә. Өченче залда экспозиция Өбрә авылы тарихы белән XX гасыр башыннан 1990 елларга кадәр таныштыра.