Яшь геройлар

Ел саен 8 февральдә без яшь герой – антифашистларны искә алу көнен билгеләп үтәбез. Нәкъ шул көнне дөньяның төрле илләрендә фашизмга каршы көрәштә катнашкан яшь геройлар һәлак була.

 8 февраль истәлекле көненә Казаклар авыл китапханәсендә 4-7 сыйныф укучылары өчен «Яшь геройлар» дигән герой сәгате үткәрелде. Балаларга Бөек Ватан сугышы елларында күрсәткән батырлыклары өчен Ватанның югары бүләге – Советлар Союзы Герое исеменә лаек булган малайлар һәм кызлар турында сөйләнде. Мәктәп укучылары яшьтәшләре: Леня Голиков, Зина Портнова, Марат Казей, Вала Котика һәм башка пионер-геройлар турында зур кызыксыну белән тыңладылар.