Гришин Яков Яков улы

Гришин Яков Яков улы

( 1942)

Яков Яков улы Гришин – Россия тарихчысы,  Көнчыгыш Европаның сәяси режимнары, халыкара мөнәсәбәтләр буенча белгеч. 1942 елның 8 мартында ТАССРның Биектау районы Эстачи (Остачы) авылында туган. 1963-1971 елларда (Совет армиясендә хезмәт итү белән) Казан университетының тарих-филология факультетында укый. 1974 елга кадәр аспирантурада белем ала. 1974-1979 елларда КПССның Татарстан өлкә комитеты лекторы булып эшли, 1977 елда тарих фәннәре кандидаты дәрәҗәсе алуга диссертация яклый. 1980 елдан КДУның тарихи факультетында эшли, 1980-1994 елларда – декан урынбасары вазыйфасын башкара. 1992 елда тарих фәннәре докторы гыйльми дәрәҗәгә диссертация яклаган, 1994 елдан – профессор. 1994 елда халыкара мөнәсәбәтләр факультетлар бүлеген җитәкли;  2000 елда ул КДУ халыкара мөнәсәбәтләр һәм политология факультетына үзгәртелә. 2000 елдан Яков Яков улы Гришин халыкара мөнәсәбәтләр һәм политология кафедрасын җитәкли, 2003-2008 елларда халыкара мөнәсәбәтләр факультеты деканы була. 2008 елның язында факультет таркалганнан соң, халыкара мөнәсәбәтләр кафедрасы КДУ Көнчыгышны өйрәнү институтының бер өлеше булды.

Россия Халыкара тикшеренүләр ассоциациясе президиумы әгъзасы, ибероамерика дөньясын тикшеренүчеләр ассоциациясе әгъзасы. ТР Баш Архив идарәсе каршындагы Фәнни консультатив совет рәисе урынбасары, “халыкара мөнәсәбәтләр” белгечлеге буенча МГИМО каршындагы УМО әгъзасы. Биш фән кандидаты әзерләгән.