Экологик фикер йөртергә өйрәнәбез

 

Табигатьне саклау – һәр кешенең бурычы. Экологик белем көненә китапханәче әңгәмә үткәрде. Чара барышында балалар экологиянең нәрсә икәнен, табигатьне һәм аның ресурсларын ничек сакларга кирәклеген, кешенең әйләнә-тирә мохиткә нинди йогынты ясавын һәм җир планетасын саклап калу өчен нәрсә эшләргә кирәклеген белделәр. Китапханәче табигатьнең саклана торган объектлары, Кызыл китапның әһәмияте, экологларның җирдә табигый балансны торгызу эшчәнлеге һәм табигатьне саклауга һәр кешенең нинди өлеш кертә алуы турында сөйләде. Балаларга экология, хайваннар һәм үсемлекләр, бөҗәкләр турында кызыклы китаплар белән якыннан танышу мөмкинлеге бирелде.