«Биектау районының якташ язучылары» рубрикасы белән таныштыруны дәвам итәбез.

 

Сабиров Ирек Нәгыйм улы Татарстан Республикасы Биектау районы Мемдел авылында укытучы гаиләсендә туган. Иҗат белән мавыккан гаиләнең йогынтысы язучыда әдәбият һәм сәнгатькә кызыксыну уятуга ярдәм итә. Ирек Нәгыйм улы гомер буе үзен татар халкының телен һәм мәдәниятен саклауга һәм популярлаштыруга багышлый. Шул ук вакытта күңелендә ул һәрвакыт шагыйрь булып кала. Аны белгән һәркем аның административ эшне шигъри эшчәнлек белән гармонияле рәвештә ничек берләштерә алуына гаҗәпләнә.

Ирек Сабиров шагыйрь, Россия һәм Татарстан Республикасы Язучылар берлеге әгъзасы, Россия журналистлар берлеге әгъзасы, Татарстан Республикасының атказанган мәдәният хезмәткәре.

И.Сабиров актив иҗтимагый һәм мәдәни эшчәнлек алып бара, моның өчен бик күп премияләр белән бүләкләнә. Актив сәяси тормыш алып барып, 20 елдан артык ул Еманжелинскида «Элегия» әдәби берләшмәсен җитәкли. Хәзерге көндә аның шигырьләре иҗатын яратучылар өчен васыять кебек яңгырый.

Олы Битаман, Чувашиле авылы китапханәләрендә  китап күргәзмәсе оештырылды, шагыйрьнең тормышы һәм иҗаты турында материаллар тәкъдим ителде. Үзенең шигырьләрендә ул шагыйрь һәм шигърият турында, хатын-кызга, туган иленә, яшәгән һәм эшләгән Еманжелинск шәһәренә, әти-әнисенә, дусларына һәм кешеләргә мәхәббәт турында яза. Шигъри әсәрләренең һәр юлы фәлсәфи мәгънә белән тулы. Ата-бабаларны хөрмәт итү традицияләрендә тәрбияләнгән Ирек Сабиров өчен туган телен һәм милли үзенчәлеген саклау мөһим булган.

Березка, Сая авылы китапханәләрендә язучы белән танышу сәгатьләре үткәрелде. Чара язучының әсәрләренә күзәтү ясаудан башланды, шулай ук укучылар игътибарына Ирек Сабировның тормышы һәм иҗаты турында презентация тәкъдим ителде.

Биектау, Дөбъяз, Чернышевка, Усад, Суксу авылы китапханәләрендә укучылар белән шагыйрь иҗаты буенча танышу әңгәмәләре үткәрелде. Әңгәмә барышында мәхәббәт, туган ил турында шигырьләр яңгырады. Чарада катнашучылар язучының яз айларын яратканын, аны үзенең шигырьләрендә дә чагылдырганын белделәр. Ул ике телдә язган: татар һәм рус телләрендә. Ирек Сабировның шигырьләрен һәм прозасын җирле газета һәм журналлар, шулай ук Татарстан һәм Башкортстанның башкала басмалары бастыра.

Чыпчык, Юртыш, Алан-Бәксәр, Казаклар, Күлле авылы китапханәләрендә укучылар белән Ирек Сабиров тормыш юлы, иҗаты белән танышу өчен презентация карадылар.Китапханәчеләр презентация аша язучының тормыш юлы белән таныштырдылар.Ахырда язучының «Хисләр», «Сәхнә чибәренә», «Иҗат» шигырьләрен укып үттеләр.