Безнең кече дусларыбыз

Бөтендөнья хайваннарны яклау көне ел саен 4 октябрьдә билгеләп үтелә. Каенлык авылы китапханәчесе мәктәп укучыларына бу көнгә багышланган әңгәмә-викторина үткәрде.

Чара китап экспозициясенә күзәтү белән башланып китте, анда хайваннар, бөҗәкләр һәм кошлар турындагы китаплар белән танышырга мөмкин иде. Аннары китапханәче бәйрәмнең барлыкка килү тарихы, Кызыл китапка кертелгән сирәк һәм юкка чыгу хәлендә булган хайван төрләре турында сөйләде. Чара барышында балалар төрле конкурсларда катнаштылар, викторина сорауларына, хайваннар турында табышмакларга җавап бирделәр, хайваннарның геройлары булган әкиятләрне искә төшерделәр. Чара барышында балалар хайваннар турында яңа белемнәр алдылар, бер-берсе белән аралашып, күңелле вакыт үткәрделәр. Бу чара безгә кече туганнарыбыз турында кайгыртуның һәм табигатьне хөрмәт итүнең мөһимлегенә тагын бер кат инанырга ярдәм итте.