Туган көнең белән, Кыш бабай!

Яшь чикләве: 0+

18 ноябрь күпләр өчен гадәти көн булып санала. Ә сез бу көнне Кыш Бабайның туган көне икәнен белә идегезме? Бу көнне китапханәдә балалар өчен танып -белү сәгате узачак. Чара башында балалар Кыш Бабай һәм аның биләмәләре буенча виртуаль сәяхәткә чыгачаклар. Балаларга Кыш Бабай турында, Кыш бабайның резиденциясе, кайда яшәве, ярдәмчеләренең кем булуы турында мәгълүмат кызыклы булыр дип ышанабыз. Яңа елга теләгән бүләк турында язылган  хатны ничек тапшырырга кирәклеген дә аңлатырбыз. Чара барышында хәрәкәтчән уеннар да, Кыш бабайга, кыш фасылына багышланган  табышмаклар да булачак.