Кызыксынучылар өчен энциклопедияләр

Бөтендөнья мәгълүмат көнен ел саен 26 ноябрьдә билгеләп үтү кабул ителгән, аның тарихы 1994 елдан башлана, ул вакытта Халыкара мәгълүматлаштыру Академиясе яңа бәйрәмне гамәлгә куйды.

Каенлык авылы китапханәчесе балалар бакчасында тәрбияләнүчеләр өчен мәгълүмат сәгате үткәрде. Чара барышында яшь укучылар әлеге бәйрәм − мәгълүмат көненең ничек барлыкка килүен, хәзерге аңлауда мәгълүматның нәрсә икәнен белделәр. Китапханәче кешенең кирәкле мәгълүматка ирешүе кызыксындырган сорауларга җавап алырга мөмкинлек бирә, дип сөйләде. Шулай ук китапханәче билгеләп үткәнчә, балачактан ук без кирәкле мәгълүматны башта ата-аналардан, тәрбиячеләрдән ала алабыз, аннары мәктәпләрдә, китапханәләрдә һәм интернет киңлекләрендә кызыксындырган мәгълүматны мөстәкыйль рәвештә алырга мөмкин. Укучылар игътибарына шулай ук иң ышанычлы мәгълүмат чыганаклары — сүзлекләр, энциклопедияләр, белешмәләр булган китаплар да тәкъдим ителде. Чара азагында балалар белән хәрефләр кабатладылар, диңгездә, җирдә нинди хайваннар яши, нинди кошлар Күчмә, ә кайсылары кышларга кала икәнен искә төшерделәр. Яшь укучылар-тәрбияләнүчеләр барлык биремнәрне дә үтәделәр, вакытларын кызыклы һәм файдалы уздырдылар.