Шигырьләр белән дуслашыгыз

21 март көнне Бөтендөнья шигърият көне билгеләп үтелә. Бу көнгә Олы Битаман авылы китапханәсендә китап күргәзмәсе оештырылды, анда балалар шагыйрьләренең китаплары тәкъдим ителде. Биредә М.Җәлил, Г.Тукай, Р. Миңнуллин, Р. Корбан, Н. Әхмәдиев һәм башка бик күп балалар шагыйрьләренең китапларын күрергә мөмкин. Күргәзмә шагыйрьләрнең шигъри сәләтенең сихри көчләренә кагылырга, шигъриятсез тормышның никадәр ярлы булуы турында уйланырга мөмкинлек бирә. Чөнки нәкъ менә шигырьләр дөньяны образлы күрә белүне үстерергә, аның күпкырлылыгын аңларга, кызгану, мәхәббәт хисләре тәрбияләргә ярдәм итәргә сәләтле. Күргәзмә белән танышып, һәр яшь китап укучы үзенең яраткан шагыйренең китабын сайлый алды.