Сәламәт тәндә – сәламәт рух

Бөтендөнья сәламәтлек көне – планетада яшәүче һәр кешенең игътибарын сәламәтлек проблемаларына җәлеп итүгә юнәлдерелгән глобаль кампания. Ул һәр елның 7 апрелендә билгеләп үтелә. Олы Битаман авылы китапханәсендә оештырылган киңәшләр күргәзмәсе сәламәтлекне саклауга чакыру булып тора. Күргәзмәдә тәкъдим ителгән китаплар сәламәтлеккә иң рациональ юлны сайларга ярдәм итүче белемнәргә ия. Биредә медицина һәм сәламәтлек, дару үләннәре буенча белешмәлекләр, физик тәрбия буенча китаплар күрергә мөмкин. Күргәзмәдә китап укучыларга сәламәт тәнне генә түгел, сәламәт рухны да сакларга ярдәм итәчәк тәкъдимнәр дә бар.