«Тарих битләре буйлап сәяхәт: Бөек Ватан сугышы»

Ватанны саклаучылар елына багышланган һәм Пушкин картасы  проекты кысаларында Өмбе  авылы китапханәсендә тарихның иң әһәмиятле чорына — Бөек Ватан сугышында җиңүнең 80 еллыгына багышланган мавыктыргыч  чара узды. Китап укучылар алты турдан торган уенда көч сынаштылар: «Бөек полководецлар», «Даталар һәм вакыйгалар», «Җиңү коралы», «Герой-шәһәрләр», «Сугыш җырлары» һәм «Сугыш турында әсәрләр». Катнашучылар сугыш кырындагы хәлиткеч вакыйгаларны һәм Җиңү коралларын, Бөек хәрби җитәкчеләр турындагы кызыклы фактларны искә төшерделәр, шулай ук иң авыр вакытларда да совет солдатларының рухын саклап калган әдәби әсәрләрдән торган китап күргәзмәсе белән таныштылар.