Җиңү Көне белән

9 май-ул гади бәйрәм генә түгел. Россиядә генә түгел, ә   башка илләрдә дә хөрмәт ителә торган бөек көннәрнең берсе. Җиңү көне – һәр гаилә һәм һәр граждан өчен мөһим бәйрәм. Җиңү көнен бәйрәм итү кысаларында китапханәче,  мәдәният йорты хезмәткәре, авыл җирлеге башлыгы, укучылар тыл хезмәтчәннәренең өйләрендә булып кайттык. Аларга бүләкләр, котлау открыткалары, Георгий тасмалары тапшырдык, сәламәтлек, күтәренке рух теләдек. Җиңүчеләр буыны алдындагы бурычыбыз-сугыш турында тарихи хәтерне саклап калу, фашистлар Германиясен Җиңүгә керткән өлешләре, сугыш һәм сугыштан соңгы еллардагы хезмәтләре, бүгенге буынның тыныч күк астында яшәү хокукы өчен ихлас рәхмәтебезне белдерү.