«Онытылмас Җиңү көннәре!».

Бөек Ватан сугышы миллионлаган кешеләрнең тормышына кагылды, алар арасында солдатлар гына түгел, коточкыч шартларга карамастан, үзләренең сәнгать әсәрләрен тудыруны дәвам иткән рәссамнар да бар иде. Аларның эшләре сугыш турындагы мәдәни хәтернең аерылгысыз өлешенә әверелде. Совет халкының 1941-1945 еллардагы Бөек Ватан сугышында Җиңүенең 80 еллыгына Алан-Бәксәр авыл китапханәсендә «Онытылмас Җиңү көннәре!». Биредә сугыш һәм Совет халкының героик батырлыгы турында төрле-төрле нәфис, документаль һәм энциклопедик китаплар тәкъдим ителде. Күргәзмәдә полководецлар, сугыш геройлары һәм тыл хезмәтчәннәре, герой Балалар турында шигырьләр, хикәяләр, повестьлар, романнар, шулай ук сугыш вакыйгаларында катнашучыларның документаль дәлилләрен табарга була. Китаплар арасында «Хакыйкать мизгеле», «Сталинград сугышы», «Элемтә линиясе», «Ленинград батырлыгы», «Сугыш кайтавазы» «Батырлар китабы», «Татарларның батырлары»,Алар илгә җиңү алып кайтты» һәм башка бик күп басмалар. Экспозиция сугышларда һәлак булган һәм хәбәрсез югалган Татарстан Республикасы сугышчылары исемнәре кергән «Хәтер китабы» белән танышырга мөмкинлек бирә. Күп китаплар Бөек Ватан сугышына багышланган, әмма аның тарихы белән кызыксыну кимеми. Безнең бурычыбыз-Бөек Җиңүгә ирешкән барлык кешеләрнең истәлеген һәрвакыт истә тоту, кадерләп саклау. Һәм китаплар безгә бу эштә ярдәм итә.