Балалар Сабантуе

Халыкара дәрәҗәдәге дата, балаларны яклау көне һәр елны бер үк көнне – 1 июньдә билгеләп үтелә. Бу вакытта җәй башлана һәм күптән көтелгән җәйге каникуллар башлана, шуңа күрә бәйрәм балаларны өчләтә сөендерә. Кече Битаман китап бирү пунктында авыл клубы һәм авылдашыбыз белән берлектә балалар өчен күңел ачу кичәсе оештырылды. Чара гадәттәгечә котлаулардан һәм сәламләүләрдән башланды. Аннары традицион милли уеннар башланды. Бу капчык киеп йөгерү, кашыкка йомырка салып йөгерү, шакмаклар җыю, чаңгыда йөгерү, су тулы чиләкләр белән йөгерү һәм башка уеннар. Бәйрәмгә фокусчы-иллюзионист һәм Татарстанның атказанган артисты Шамил Галиев, балалар һәм өлкәннәр яраткан Чебурашка чакырылган иде. Чарада катнашучылар бик күп күңелле мизгелләр, авылдашлар һәм спонсорлар ярдәме белән җыелган истәлекле һәм татлы бүләкләр алдылар.