Кызыл Китап

МБББУ «Тылсымлы замок» Усад балалар бакчасында тәрбияләнүчеләр өчен Усад авыл китапханәсе мөдире экологик сәгать үткәрде, анда балалар Кызыл китап битләре буйлап мавыктыргыч сәяхәткә чыктылар. Балалар Кызыл китапның нәрсә икәнен, ни өчен аны язарга кирәклеген, ни өчен китап битләренең төрле төстә булуын, шулай ук нинди хайваннар, үсемлекләр, кошлар юкка чыгу алдында торуын белделәр. Татарстан Республикасының Кызыл китабына кертелгән хайваннар һәм үсемлекләр турындагы видеороликны зур кызыксыну белән карадылар, сорауларга җавап бирделәр. Чарага «Алар яклауга мохтаҗ» дигән китап күргәзмәсе әзерләнде, ул Россия һәм Татарстанның гаҗәеп хайваннар һәм үсемлекләр дөньясы белән якыннан танышырга тәкъдим итә. Чара азагында табигатьнең Кызыл китабы – үсемлекләрнең һәм хайваннарның гына түгел, ә кешенең дә исән калуына өмет, дигән нәтиҗә ясадылар.