Сәламәт яшәү рәвешен сайла

Яшь чикләве: 12+

Наркоманиянең зыянын күрсәтү, яшьләрнең үзаңын һәм үз-үзләрен бәяләвен формалаштыруда ярдәм итү өчен Олы Битаман авылы китапханәсендә тематик күргәзмә оештырылачак. Күргәзмәнең «Яшьләр сәламәт яшәү рәвеше өчен» дигән беренче бүлегендә үз вакытыңны, ял итүеңне, туклануыңны ничек дөрес оештырырга, сәламәтлегеңне кадерләргә һәм ныгытырга өйрәнергә ярдәм итүче китаплар тәкъдим ителәчәк. «Яшәр өчен белергә» дигән икенче бүлектә наркотикларның зыяны турындагы әдәбият куелачак. Китаплар, брошюралар, вакытлы матбугат мәкаләләре китап укучыларга наркоманиянең кешенең физик һәм әхлакый сәламәтлегенә тискәре йогынтысы турында белергә ярдәм итәчәк.