Музей һәм балалар

17 январь көнне, Чыршы авыл китапханәсендә «Музей һәм балалар» темасына әңгәмә булды. Музей – ул үзенчәлекле белем бирү мохите. Бу үз баласының дөньяга карашын киңәйтергә теләгән ата – аналар өчен. Музейларга бару гаиләгә дөньяга карашны киңәйтергә, сәнгатьне аңларга һәм бәяләргә өйрәтергә, үз – үзеңне тоту кагыйдәләрен үзләштерергә, предметларның образлы телен аңларга, музей мәдәниятенә кушылырга ярдәм итәчәк. Башлангыч сыйныфта балага гаилә аеруча көчле йогынты ясый. Нәкъ менә шуңа күрә балаларны музейга җәлеп итү ата – аналар белән тыгыз элемтәсендә үткәрелә.