Китаплар авыл хуҗалыгына ярдәмгә

Олы Битаман авылы китапханәсендә «Село живет – Авыл яши» Республика проекты кысаларында авыл хуҗалыгы тематикасындагы әдәбиятка күзәтү үткәрелде. Бүгенге көндә халык хуҗалыгының теләсә кайсы тармагын үстерү заманча мәгълүматның нәтиҗәле системасыннан башка мөмкин түгел. Күргәзмә авыл халкының күптөрле эшчәнлек өлкәләрен чагылдыра. Бу – фермер һәм йорт яны хуҗалыкларында терлек һәм кош-корт үрчетү, умартачылык буенча материаллар. Күргәзмәдә тәкъдим ителгән яшелчә, җиләк культуралары үстерү буенча китаплар яңа гына эшли башлаган һәм тәҗрибәле бакчачылар өчен өстәл әсбабы була ала.