«Китап белән сәламәтлеккә»

Дөньякүләм сәламәтлек көне уңаеннан Дөбъяз авыл китапханәсендә кечкенәләр өчен «Китап белән сәламәтлеккә» дип исемләнгән әңгәмә үткәрелде. Чара барышында балалар кыюлык, гигиена кагыйдәләре һәм әкият геройлары мисалында көн тәртибенең мөһимлеге турында фикер алыштылар. Китапханәче кеше организмы турында энциклопедияләргә һәм төрле спорт төрләре турында китапларга күзәтү үткәрде. Балалар «сәламәт» табышмаклар чиштеләр һәм тематик физкультминутка катнаштылар. Очрашу матур әдәбиятны күзәтү белән тәмамланды, ул укучыларны кече яшьтән сәламәтлеккә сакчыл карарга рухландырды.