Алар Ватан өчен көрәштеләр

Татарстан Республикасында Хәрби һәм хезмәт даны елы кысаларында Коркачык авылы китапханәчесе, фронтовик язучылар иҗатына багышланган,  «Алар Ватан өчен көрәштеләр» дип исемләнгән тематик сәгать үткәрде. Чарада катнашучылар фронтовик язучыларның тормышы һәм иҗаты турында кызыклы фактлар белән таныштылар, әсәрләрдән өзекләр тыңладылар. Алар арасында Ю.Бондарев, М.Шолохов, Б.Полевой, К.Симонов кебек язучылар бар иде. Ә Муса Җәлил иҗатына аерым игътибар бирелде, аның шигырьләре бүген дә миллионлаган кешеләрнең йөрәкләрен тетрәндерә. Аның төрмәдә язылган атаклы «Моабит дәфтәрләре» әдәби һәйкәл генә түгел, ә үз бурычына һәм Ватанына тугры калган кешенең искиткеч ныклыгы шаһите дә. Шулай ук Фатих Кәримне дә искә алдылар. Аның фронт очерклары һәм шигырьләре чиксез самимилеге һәм тирән кичерешләре белән аерылып тора, сугыш чорының фаҗигасен һәм батырлыгын чагылдыра. Мондый чаралар тарихи хәтерне саклауда, патриотизмны һәм илебезнең героик үткәненә хөрмәт хисләре тәрбияләүдә зур роль уйный.