«Сүзлекләр һәм энциклопедияләр көне»

22 ноябрь көнне сүзлекләр һәм энциклопедияләр көне билгеләп үтелә. Бу дата бу көнне «Бөек рус теленең аңлатмалы сүзлеге» авторы Владимир Иванович Даль (1801-1872) тууы белән бәйле рәвештә сайланган. Бәйрәм 2010 елда рус әдәбиятын яратучылар җәмгыяте һәм В.И. Даль музее инициативасы белән гамәлгә куелган.Шушы дата уңаеннан Алан-Бәксәр авыл китапханәсендә китап күргәзмәсе оештырылачак. Күргәзмәдә төрле аңлатмалы сүзлекләр, орфографик сүзлекләр, энциклопедик сүзлекләр, махсуслаштырылган сүзлекләр-балалар энциклопедияләре тәкъдим ителәчәк. Китапханәгә килүчеләр белешмә әдәбиятның төрлелеге белән таныша, сүзлекләрнең тарихы һәм аларның кеше тормышындагы әһәмияте турында белә алачак.