Бөтендөнья шигърият көне

22 мартта «Әдәби кунак бүлмәсендә»  Бөтендөнья шигърият көненә багышланган, Биектау районының ГАУСО «КЦСОН «Эмет» МТЗ һәм РТ СЗ” көндезге төркем өлкән инвалидлары белән чираттагы очрашу узды. Китапханәчеләр катнашучыларны бәйрәмнең тарихы һәм йолалары белән таныштырдылар. Ул 21 мартта билгеләп үтелә. 2023 елда бәйрәм 24 нче тапкыр үткәрелә. Чараларда әдәби берләшмәләр, шигърият сөючеләр, журналистлар, редакторлар, тәнкыйтьчеләр, тәрҗемәчеләр, укытучылар, студентлар һәм филология уку йортларын тәмамлаучылар, шигырьләр язу белән мавыккан кешеләр катнаша. Бәйрәмнең максаты-кешеләрне шигърияткә җәлеп итү, яшь талантларга үзләрен таныту мөмкинлеге бирү. Бу чарада да максат– шигъриятнең матур дөньясына чуму иде. Н.Заболоцкий, Е.Евтушенко әсәрлэреннән өзекләр әзерләнде. Барысы да күренекле шагыйрьләрнең шигырьләрен укыдылар, үз фикерләрен белдерделәр, онытылмас юллар белән тудырылган хисләре белән уртаклаштылар. Николай Заболоцкийның «Не позволяй душе лениться» әсәренең жанры-хәбәр. Автор вакыйгаларны тасвирлап кына калмый, ә укучыга файдалы үгет-нәсихәтләр биреп мөрәҗәгать итә. «Эмет» тәрбияләнүчеләре авторның, кешенең җаны эшләргә һәм өйрәнергә тиеш дигән фикерен бик төгәл әйтәләр. Югыйсә ул үзендә табигать белән салынган бөтен потенциалын ачмаячак. Азалия, «Не позволяй душе лениться» шигыренең төп проблемасын җиңел генә яңгыратты- ул  ялкаулык. Эльза белән Данис, кеше җаны даими үсештә һәм хезмәттә булырга тиешлеген ассызыкладылар. Үзеңне җиңәргә кирәк, югыйсә тормыш максатсыз узачак. Чарада да катнашучыларның кубесе әсәрләрдән өзекләр укыдылар, актив рәвештә узләренең фикерләрен әйттеләр. Евгения Евтушенконың «Людей неинтересных в мире нет…» шигыре кубесендә тере җавап тапты. Шигырьнең жанры- элегия. Әсәрнең төп фикере- һәр кешенең үзенчәлеге, аның кыйммәте. Барысы да Евтушенконың кешене тулысынча белеп булмый дигән сүзләре белән килештеләр. Ул кешеләрнең уникальлегенә игътибарны юнәлтә, аларны планеталар белән чагыштыра. «Әдәби кунак бүлмәсендә»  очрашу бик бик җанлы, эмоциональ үтте.