Җиңү Көне

Җиңү Көне илебезнең барлык халык өчен мөһим һәм әһәмиятле бәйрәм, чөнки һәр гаиләдә диярлек фашист илбасарларын җиңүгә үз өлешләрен керткән ата-бабалары турында истәлек саклана. Бу вакыйга истәлегенә һәм үз халкының киләчәге өчен курыкмыйча көрәшүчеләргә хөрмәт йөзеннән, Камаево авылында Бөек Ватан сугышында һәлак булган авылдашларга обелиск янында тантаналы митинг үткәрелде. Митинг башланыр алдыннан сугыш еллары җырлары яңгырады. Балалар сугыш турында шигырьләр укыдылар, халык обелискка чәчәкләр һәм таҗлар салдылар. Митингта  мобилизацияләнгән Тюрин Анатолийның туганнары да катнашты, Анатолийның әнисе Любовь Ивановнага балалар гвоздика бүләк итәләр һәм бәйрәм белән котладылар, Анатолийның тизрәк җиңү белән өйгә кайтуын теләделәр. Бөек Ватан сугышы елларында һәлак булганнарны, мәңге яшь калганнарны, бүгенге көнгә кадәр яшәмәгән ветераннарны искә алу өчен бер минут тынлык игълан ителде. Сугыш халкыбызга китергән зур бәла-казаларны оныту мөмкин түгел. Без Җиңүнең нинди бәягә яуланганын беләбез һәм Ватан өчен гомерләрен биргән кешеләрне һәрвакыт истә тотачакбыз.