Славян язуы дөньясына сәяхәт

   Биектау авыл китапханәсе Биектау авыл клубы белән берлектә Славян язуы һәм мәдәнияте көненә багышланган «Славян язуы дөньясына сәяхәт» дигән әңгәмә уздырды. Алып баручылар бу көннең барлыкка килү тарихы, аның Россия мәдәнияте өчен әһәмияте, борынгы заманнардан безнең көннәргә кадәр славян язуының үсеше һәм Славян әлифбасын булдыруда мәгърифәтчеләр Кирилл һәм Мефодийның төп роле турында сөйләделәр. Балалар безнең хәрефләрнең ничек барлыкка килүен, ни өчен нәкъ менә шулай язуда сурәтләнүен белделәр. Китапханәче китап күргәзмәсенә күзәтү ясады. Чара ахырында балалар викторина сорауларына җавап бирделәр. Әңгәмә бик файдалы һәм мавыктыргыч булды.