Һәр шигырь минем җанымны дәвалый…

Биектау авыл китапханәсе «Һәр шигырь минем җанымны дәвалый…» исемле чара үткәрде. Әлеге чарада 3 нче мәктәпнең 5 нче сыйныф укучылары катнашты. Укучылар табигать турында шигырьләр белән таныштылар, алар безнең аңга кергән һәм безнең яшәебезнең бер өлешенә әйләнгән инде. Табигать үзе кеше өчен җан дәвасы булып тора, шигырьләр кеше күңеленә тиз үтеп керә. Китапханәче балалар белән шигырьләр генә укып калмады, ә аларның кеше җанына йогынтысы турында да фикер алышты.