Борынгы һөнәрләр дөньясы

 

26 октябрьдә Татар-Әйшәсе авылы китапханәсендә «Пушкин картасы» программасы кысаларында «Борынгы һөнәрләр дөньясы» танып белү сәгате узды.

Китапханәче балаларны хатын – кызларның халык һөнәре — йон өрләү белән таныштырды. Аның тарихы, өрләү өчен йонның ничек әзерләнүе, эш кораллары каба, орчык турында сөйләде һәм бу өй кораллары ярдәмендә йоннан теләсә нинди кирәкле әйберне бәйләп була торган җепнең ничек барлыкка килүен күрсәтте. Аның сөйләве презентация слайдлары белән үрелеп барды, алар ярдәмендә катнашучылар йон өрләү сәнгате белән җентекләп таныша алды.

Кунаклар игътибарына «Онытылган осталык һәм һөнәрчелек» күргәзмәсе тәкъдим ителде, анда алар татар халкы һөнәрчелеге буенча әдәбияте белән таныша алдылар.