2024 ел Татарстанда фәнни-технологик үсеш елы

 

   2024 ел Татарстанда фәнни-технологик үсеш елы дип игълан ителде. Биектау авыл китапханәсендә «2024 ел – Татарстан Республикасында фәнни-технологик үсеш елы» дигән китап күргәзмәсе оештырылды. Күргәзмәдә күренекле галимнәр, аларның бөек казанышлары турында басмалар тәкъдим ителде. Шулай ук Россия фәненең тарихы турында мәгълүмат, кызыклы фәнни фактлар табарга мөмкин. Китапханәче китап күргәзмәсенә күзәтү ясады, чарада катнашучылар яңа кызыклы фактлар белән таныштылар.