Кошлар дөньясы

 

1906 елдан башлап дөнья күләмендә Халыкара кошлар көне үткәрелә. 1906 елның 1 апрелендә кошларны саклау буенча Халыкара конвенциягә кул куела, ә Россия моңа 1927 елда кушыла. Шулай итеп, безнең илдә 1927 елның 1 апреленнән башлап кошлар көнен үткәрү традициягә кергән. Мондый бәйрәм яз көне билгеләп үтелә, чөнки нәкъ менә шушы вакытта канатлы кошлар туган якларына юл тота. Яз көне бөтен табигать җанлана, яңадан туа. Кояш яктырак һәм күңеллерәк карый башлый, йомшак җил иркәли, өлгереп җитмәгән чирәм өлгерә, агачларның бөреләре бүртә. Күчмә кошлар туган якларына әйләнеп кайталар.

Әлеге көнне билгеләп китү уңаеннан Усад авыл китапханәсендә күчмә һәм кышлаучы  кошлар турында уен-викторина уздырылды. Шулай ук балалар белән кошларның тәбигатькә китергән файдасы, алар турында кайгырту,  саклау чаралары турында  әңгәмә уздырылды.