Бөтен гаиләбез белән укыйбыз

 

   Биектау авыл китапханәсендә «Бөтен гаиләбез белән укыйбыз» дигән китап күргәзмәсе оештырылды. Күргәзмә өч бүлектән тора. Беренче бүлек  – «Гаилә бәхете», ул гаилә психологиясенә багышланган. Бу бүлектәге китаплар гаиләдәге мөнәсәбәтләр турында. Икенче бүлектә гаилә сәламәтлеге буенча китаплар тәкъдим ителә. Күргәзмәнең өченче бүлегендә укучылар яратып укыган – балалар һәм өлкәннәр өчен гаилә мөнәсәбәтләре турында сөйләүче нәфис китаплар урын алган. Күргәзмә белән кызыксынган укучылар өчен күзәтү ясала.