«Гаилә традицияләре»

18 сентябрь көнне, Чыршы авыл китапханәсендә Пушкин картасы буенча, «Гаилә традицияләре» исеме астында чара үткәрелде.  «Минем гаиләм кыйммәтләре» дигән китаплар күргәзмәсе эшләнде. Гаилә традицияләре – буыннан – буынга сакланып килүче аерым бер гаилә эчендә барлыкка килгән билгеле бер тәртип, үз – үзеңне тоту әдәбе, гореф – гадәтләр һәм күзаллаулар ул.

Берәүләр өчен ул кичләрен бергәләшеп китап уку булса, икенчеләре өчен кул эшләре (чигү, бәйләү, тегү), өченчеләргә – гаилә белән спорт ярышларында катнашу. Безнең заманда кул эшләре белән шөгыльләнү модада. Кемгәдер үзе өчен һәм үз зәвыгына карап кием тегү ошый , кемдер үрү белән шөгыльләнә, ә кемгәдер бәйләү яки чигү ошый. Бу осталыкларның барысы да соклану уята. Бу бит чын сәнгать, ул осталык һәм фантазия генә түгел, ә зур тырышлык һәм максатчанлык таләп итә. Кул эше гаилә әгъзаларын берләштерә , туганлык хисләрен көчәйтә.