Мәдәниятнең электрон гасыры

Шәпше авыл китапханәсе укучылар өчен «Мәдәниятнең электрон гасыры» дигән әңгәмә үткәрде. Китапханәче интернетның нәрсә икәнен, бөтендөнья пәрәвезеннән файдалануның нинди төп кагыйдәләре булуын, интернет-бәйлелекнең нәрсә икәнен, аның ничек барлыкка килүен һәм аннан ничек качарга икәнен сөйләде. Чара кунаклары «Глобаль челтәр белгечләре», «Мин куркынычсызлык турында нәрсә беләм» уеннарында катнаштылар, ребуслар, табышмакларга җаваплар таптылар. Барлык теләүчеләр «Без интернетның акыллы кулланучылары» онлайн-викторинасында катнаша алдылар. Очрашу азагында китапханәче тематик әдәбиятка кыскача күзәтү ясады.