Китап аша-яхшылыкка һәм яктылыкка

Россиядә сүзлекләр һәм энциклопедияләр көне ел саен 22 ноябрьдә билгеләп үтелә һәм «Бөек рус теленең аңлатмалы сүзлеген» төзүче Владимир Даль туган көненә багышлана. Үзенең гомерлек хезмәте турында Даль болай дигән :«Аны укытучы да, остаз да түгел, эшне башкалардан яхшырак белүче дә түгел, бәлки аның өстендә күпләрдән артыграк эшләгән кеше, гомере буе укытучысыннан, тере рус теленнән ишеткәннәрне бөртекләп җыйган шәкерт язган». Сүзлек-телне җыючы һәм саклаучы, халыкның тормышын, аның тарихын һәм мәдәниятен, дөньяга карашын һәм фикерләвен аңлау чыганагы. Сүзлекләр бик күп башка китапларны алдан күрә, тел үсешенең нәтиҗәсе булып тора.

Шул уңайдан, Каенлык авылы китапханәсендә китап зирәклеге сәгате үткәрелде. Чара энциклопедияләр һәм сүзлекләргә күзәтү белән башланып китте. Аннары китапханәче бәйрәмнең барлыкка килү тарихы турында сөйләде. Шулай ук «Его величество словарь» видеопрезентациясе күрсәтелде.  аннан сүзлекләрнең, энциклопедияләрнең һәм белешмәлекләрнең аермасы һәм охшашлыгы нәрсәдә икәнен, шулай ук сүзлекләрнең мәктәп программасын үзләштерүдә, кешенең дөньяга карашын киңәйтүдә һәм кирәкле мәгълүматны табуда бәяләп бетергесез ярдәм күрсәтүен белергә мөмкин булды.