Бер-береңне ишетү

Авыл китапханәсе кече төркем балалар өчен Инвалидлар көненә багышланган әңгәмә үтте. Шәфкать, яхшылык турында сөйләшик.  Чара барышында китапханәче балалар белән «Шәфкатьлелек» төшенчәсе, аның һәрберебез өчен нәрсә аңлатуы һәм яхшы гамәлләрнең безнең тормышка ничек тәэсир итүе турында фикер алышты. Янәшәбездә бераз күбрәк кайгыртучанлыкка һәм ярдәмчеллеккә мохтаҗ кешеләр яшәве турында сөйләште. Кемгә һәм кайда ярдәм кирәклеген ничек күрергә өйрәнергә, ярдәм күрсәтү мөмкинлекләрен һәм юлларын табарга өйрәнербез. Чөнки без барыбыз да яхшы беләбез, кайвакыт кешене дәртләндерер өчен, авыр минутларда ярдәм итәр өчен яхшы сүз дә җитәрлек була.  В.Катаевның “Цветик Семицветик” әсәрен укыдылар. Бу тылсымлы әкият балаларны игелекле эшләргә өндәвен дәвам итә. Укыгач, кәгазьдән Җиде таҗлы чәчәк ясадылар.