Ватан Геройлары көне

Россиядә Ватан Геройлары көне ел саен 9 декабрьдә билгеләп үтелә. Бәйрәм үзенең тарихын 18 гасырдан алып бара. Бу дата императрица Екатерина II идарә итү чорының күренекле вакыйгасына туры килә – 1769 елда ул Изге Георгий Победоносец орденын гамәлгә куя. Ул елларда бу орден белән сугышта батырлык һәм кыюлык күрсәткән сугышчылар бүләкләнгән. 2007 елдан Геройлар Көнен бәйрәм итү традициясен яңарттылар – бу героик ата-бабаларга хөрмәт күрсәтү генә түгел, ә хәзерге вакытта яшәүче геройларны хөрмәтләү дә. Усад авыл китапханәсендә мәдәният йорты белән берлектә балалар өчен патриотик сәгать үткәрелде, анда балалар бәйрәмнең барлыкка килү тарихы белән таныштылар, үткән һәм бүгенге заман геройлары турында, аларга багышланган китаплар турында белделәр, шулай ук китап күргәзмәсенә күзәтү ясадылар.