Кышкы әкиятләр уку

28 декабрь көнне Шигали авылы китапханәсендә Кыш бабай турында китаплар һәм әкиятләр укылды. Балалар бер өстәл артына уку өчен генә җыелмадылар, кыш һәм салкын бабай турында әкиятләр дә уйлап чыгардылар, табышмаклар чиштеләр, яраткан китапханәсен бизәү өчен кар бөртекләре һәм флаглар ясадылар. Бергәләп уку татлы чәй эчү белән тәмамланды.