Ленинградның батырлыгы һәм чыдамлыгы

Ленинград шәһәренең блокададан чыккан көне хөрмәтенә Мүлмә авылы китапханәсе батырлык сәгате үткәрде. Яшь китап укучылар блокада шартларында Ленинградтагы авыр тормыш: ачлык һәм җылылык булмау турында; блокада икмәге, карточкалар турында белделәр. Китапханә мөдире аларны шулай ук «Таня Савичева көндәлеге» белән таныштырды. Чара вакытында Таня Савичева турында документаль фильм күрсәтелде. Чара ахырында, Сергей Алексеевның «Ленинград блокадасы» китабыннан өзек укыгач, китапханә мөдире балалар белән әңгәмә үткәрде.