Акыл һөҗүме

Юртыш авылы китапханәсендә «Пушкин картасы» программасы кысаларында «Акыл һөҗүме» дигән уен-викторина үткәрелде. Әлеге чара белемнең төрле тармакларыннан сорауларны үз эченә алган берничә турдан торды. Уенда катнашучылар үзләренең логик фикерләүләрен, чикләнгән вакытта карар кабул итә белүләрен, шулай ук командада эшли белүләрен күрсәттеләр. Һәр уенчы үзенең интеллектын һәм тапкырлыгын күрсәтә алды. Китап укучылар уңай хис-кичерешләр алды, үзләре өчен бик күп кызыклы фактлар белделәр.