И, туган тел, и, матур тел!

Татарстанда Туган тел көне уңаеннан, Чернышека мәктәбе белән берлектә, бөек татар шагыйре Габдулла Тукайның тормышы һәм иҗаты темасына викторина үткәрелде.  4 турдан торган уенда ике команда катнашты. Укучылар сорауларга җавап бирделәр, башкарылган өй эшләрен күрсәттеләр, тәкъдим ителгән иллюстрацияләрнең нинди әсәрләрдән икәнен әйтеп бирделәр, ә соңыннан  команда капитаннары ярышты. Балалар  туган тел һәм Габдулла Тукайның  иҗаты буенча белемнәренең яхшы нәтиҗәләрен күрсәттеләр.