Җәй, ял һәм кызыклы китап

Җәй-һәркемнең күптән көтелгән ел фасылы. Балалар җәйге каникулларын, ә өлкәннәр үзләренең  ялларын көтә. Ләкин китапсыз һәм китапсыз нинди ял була инде ул? Коркачык авылы китапханәчесе саф һавада оештырган «Җәй, ял һәм кызыклы китап» дип исемләнгән китап укулар буш вакытны файдалы итеп уздыру һәм белем багажын тулыландыру максатыннан чыгып уздырылды. Балалар уку өчен китапларны үзләре сайлап алдылар. Алар арасында В.Сутеев, К. Чуковский, Э.Успенский китаплары, әкиятләр бар иде. Чарадан соң яшь китап сөючеләр үзләренә охшаган китапларны өйләренә укырга алдылар.