ТАССРның 105-еллыгына багышлана

Чернышевка авыл  китапханәсендә Татарстан Автономияле Совет Социалистик Республикасы оешуга 105 ел тулуга багышланган китап күргәзмәсе оештырылды. Күргәзмәдә республиканың барлыкка килүе тарихы, аның мәдәнияте, яшәеше, үсеше турында сөйләүче басмалар тәкъдим ителгән. Шулай ук биредә Татарстан тарихында заманча этапка багышланган китаплар да бар. Китап укучылар күргәзмә белән танышып, Ватаныбызга багышланган шигырьләр укыдылар.