Ана турында сүз

Шуман авыл китапханәсе мәктәп белән берлектә Әниләр көненә тематик бәйрәм әзерләде. Әниләр Көне – иң дулкынландыргыч бәйрәмнәрнең берсе, чөнки һәркем балачактан күңелендә бердәнбер һәм кабатланмас образны – әни образын йөртә.

Бәйрәмгә кунаклар: әниләр, әбиләр, балалар җыелды. Барлык катнашучылар өчен җылы сүзләр һәм музыкаль котлаулар яңгырады.

Аннары сәхнә балаларга бирелде. Алар ананың игелекле һәм ягымлы йөрәге, ананың кайгыртучан һәм ягымлы куллары турында шигырьләр укыдылар.  Тыңлаучыларга музыкаль композицияләр бүләк иттеләр.