Холокост корбаннарын искә алу көне

27 гыйнвар – Россия өчен истәлекле көн, чөнки нәкъ менә 1944 елда Ленинградның 900 көнлек каһарман блокадасы тәмамланды.

Бу вакыйга уңаеннан Каенлык авыл китапханәсендә тарих сәгате булып узды. Китапханәче балаларга ленинградлылар кичергән авыр сынаулар: ачлык һәм салкынлык, хатын-кызларның һәм балаларның заводлардагы фидакарь хезмәте, шулай ук шәһәрне саклаган совет солдатларының батырлыгы турында мәгълүмат бирде. Танышу өчен катлаулы Бөек Җиңү юлына багышланган китап күргәзмәсе оештырылды.

Китап экспозициясендә тәкъдим ителгән китаплардан яшь укучыларның игътибарын Биектау районының сугыш чоры балалары истәлекләренә нигезләнеп язылган әдәби альманах җәлеп итте. Альманахта балалар язмышы аша тасвирланган сугыш һәм сугыштан соңгы чуалышлар тарихы чагыла.