Татарстан Республикасының Дәүләт гербы көне

Татарстан Республикасының Дәүләт гербы көне уңаеннан Мүлмә авылы китапханәсе мөдире мәгълүмати сәгать үткәрде. Бу чара Республиканың төп символларының берсенә хөрмәт күрсәтү булып тора. Яшь китап укучылар гербның тарихы, әһәмияте һәм хәзерге сурәте белән таныштылар. Чара барышында бирелгән мәгълүмат символиканың асылын, аның мифологияда, фольклорда һәм татар халкы тарихындагы тамырларын күрсәтергә ярдәм итте.