«Кызыл ромашка».

Кече Рәс авыл китапханәсендә татар шагыйре Муса Җәлилнең тууына 120 ел тулуга багышланган мәгълүмат сәгате узды. Китапханәче шагыйрьнең авыр тормыш юлы, иҗаты турында сөйләп үтте . Укучылар өчен «Шигырьләрем – тере шаһитларым» дигән китап күргәзмәсе оештырылды, анда шигырьләр җыентыклары, замандашларының шагыйрь турындагы истәлекләре тәкъдим ителде. Ул кайнап торган эшчәнлек белән тулы кыска, ләкин якты гомер кичерде. Укучылар башкаруында герой шагыйрьнең шигырьләре дә укылды.