Туган як геройлары

Татарстан Республикасында Хәрби һәм хезмәт батырлыгы елына багышлап, Чернышевка авылы китапханәсендә тематик экспозиция оештырылды. Китап укучыларга тарихи архив материаллар тәкъдим ителде: алар Дан орденының тулы кавалеры Михаил Никифорович Скрементовның тормышын һәм батырлыгын чагылдыра. Бу күргәзмә –  үз тормышы һәм хезмәте белән Бөек Ватан сугышында Җиңүне яулаган кешеләргә тирән ихтирам һәм рәхмәт белдерү. Михаил Никифорович Скрементов – биографиясе фактлар җыентыгы гына түгел, ә чын батырлык, ныклык һәм Ватанга тугрылык дәресе булган шундый кешеләрнең иң якты үрнәге. Ул 1904 елның 19 декабрендә Татарстан Республикасы Биектау районының Каймар авылында крестьян гаиләсендә туа. Белеме – 7 сыйныфны тәмамлаган.1942 елдан КПСС әгъзасы . «Каймарский» колхозы рәисе булып эшләгән

1941 елның июнендә  Биектау районы хәрби комиссариаты  тарафыннан Кызыл Армиягә чакырыла. Шул ук вакыттан  сугышларда катнаша. Төньяк-көнбатыш, Калинин һәм 3 нче Балтыйк буе фронтларында сугыша. 1941 елның декабрендә яралана, госпитальдән соң кире фронтка әйләнеп кайта. 1944 елның башында 33 нче укчы дивизиянең 164 нче укчы полкы составында укчылар дивизиясе командиры, аннары минометчы булып сугышның ахырына чаклы катнаша.

33 нче укчы дивизия командиры боерыгы белән 2  һәм 10 августта өлкән сержант Скрементов Михаил Никифорович 3 нче дәрәҗәдәге ике Дан Ордены белән бүләкләнә.

1945 елның 18 мартында 3 нче удар армия гаскәрләре нең приказы буенча өлкән сержант Скрементов Михаил Никифорович 2нче дәрәҗәдәге Дан Ордены белән бүләкләнә.

1946 елның 15 маендагы СССР Югары Советы Президиумы Указы белән немец басып алучыларына каршы көрәш фронтларында командованиенең сугышчан биремнәрен үрнәк рәвештә үтәгәне һәм  батырлыклары өчен старшина Михаил Никифорович Скрементов 1-нче дәрәҗәдәге Дан Ордены белән бүләкләнә һәм Дан Орденының тулы кавалеры була. 1945 елда демобилизацияләнеп, туган авылына кайта. Татарстан АССР Биектау районы Семиозерка авылында колхоз рәисе урынбасары, хуҗалык мөдире булып эшли. 1949 елның 1 гыйнварында вафат була. Каймар авылында авыл зиратында җирләнә.