Балаларга җәнлекләр турында

Ел саен 3 мартта дөньяда үзенчәлекле бәйрәм – Бөтендөнья кыргый табигать көне билгеләп үтә. Коркачык авыл китапханәсе мәктәпкәчә яшьтәге балалар өчен «Балаларга җәнлекләр турында» дип исемләнгән танып – белү сәгате үткәрде. Чара барышында балалар кыргый табигатьнең гүзәл дөньясы,  анда яшәүче тереклек һәм аларны саклауның мөһимлеге турында белә алды. Алар юлбарыс, җәнлекләр патшасы – арыслан һәм леопард кебек гаҗәеп хайваннар белән таныштылар, алар турында күп кенә кызыклы мәгълүмат алдылар.  Балалар хайваннар һәм үсемлекләр дөньясының серләрен ача торган энциклопедия битләрен дә кызыксынып карап чыктылар.