Цифрлы иминлек буенча зарарлы киңәшләр.

Чернышевка авылы модель китапханәсендә киберкуркынычсызлык һәм цифрлы белемлелек нигезләренә багышланган очрашу булды. Видеороликның  исеме – «Цифрлы иминлек буенча зарарлы киңәшләр». Яшь китап укучылар Лина һәм Лелик персонажлары белән таныштылар. Аннары сүз акыллы гаджетлар куллану һәм виртуаль киңлектә йорт хайваннарын яклау мәсьәләләре турында барды. Видеоматериалны карап, укучылар сорауларга җаваплар бирделәр: хайваннар өчен нинди акыллы җайланмалар бар, аларны кулланганда нинди куркыныч хәлләр белән очрашырга мөмкин һәм нинди куркынычсызлык кагыйдәләрен үтәргә кирәк?